ՌԴ ԱԳ նախարար Սերգեյ Լավրովը վաղը հանդիպում կունենա ՄԱԿ-ի գլխավոր քարտուղարի տեղակալ Մարտին Գրիֆիթսի հետ։ Այս մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՌԻԱ Նովոստին։
«Հոկտեմբերի 22-ին ՌԴ ԱԳՆ ղեկավար Սերգեյ Լավրովը հանդիպում կունենա ՄԱԿ-ի գլխավոր քարտուղարի հումանիտար հարցերով տեղակալ, ՄԱԿ-ի հումանիտար հարցերի համակարգման խորհրդի ղեկավար Մարտին Գրիֆիթսի հետ»,- ասել է Զախարովան։
Նրա խոսքով՝ նախատեսվում է քննարկել ՄԱԿ-ի միջոցով հումանիտար օգնության ցուցաբերման հարցը Սիրիայում, Աֆղանստանում, Եմենում, Եթովպիայում, ինչպես նաև Լեռնային Ղարաբաղում։
Աղբյուր՝ Factor.am