Էյրբաս ընկերության տրամադրած ուղղաթիռով Հայաստանում կներդրվեն սանիտարական ավիացիայի ծառայություններ։ Այս մասին տեղեկացրել է ՀՀ առողջապահության նախարար Արսեն Թորոսյանը` գրառում կատարելով իր ֆեյսբուքյան պաշտոնական էջում։
«Լավ լուրեր Մարսելից։ Այսօր Armenian Helicopters LLC-ն Էյրբաս ընկերությունից ընդունել է այս ուղղաթիռը, որով մենք պատրաստվում ենք ներդնել սանիտարական ավիացիայի ծառայություններ Հայաստանում։ Զարգացումների մասին հավելյալ կհայտնեմ մոտ ժամանակներս»,-գրել է Թորոսյանը։
