Կրծքային վիրաբույժ, «Աստղիկ» բժշկական կենտրոնի ինֆեկցիոն բաժանմունքի բժիշկ Ռուբեն Ստեփանյանը ֆեյսբուքյան իր էջում գրում է․
«Լավագույն ժամանակը պատվաստվելու հիմա է։ Կարծում եմ մոտակա 5 ամիսների ընթացքում չի լինելու նման հնարավորություն։ Վարակվածության թվի ավելացումը և այլ երկրների օրինակները համադրելով, կարելի է ասել, որ 3-4 շաբաթ անց ստիպված ենք լինելու վերաբացել փակված հիվանդանոցները։
Ունեցած ժամանակը օգտագործվել և շարունակվում է օգտագործվել ոչ արդյունավետ։ Հենց հիմա է պետք խստացնել հակահամաճարակաբանական կանոնները, որովհետև տարածվելու դեպքում հետևից չենք հասնելու։
Պատվաստված է բնակչության 26.5%-ը։ Չկա պատվաստանյութի խնդիր, ոչ մեկի ձեռքերը կապված չէ խստացումներ անելու համար, չկան ճնշումներ արտաքինից։ Բայց, կա գերխնդիր` այն է կանխել մահերը։ Մահերի թիվը անցել է 8000-ը։ Անգործ նստելու դեպքում եթե ոչ մարտի վերջ, ուրեմն ապրիլ ամսին օրական վարակման թիվը հասնելու է 3000-ից 5000-ի, լավագույն դեպքում։ Գնացեք ու պատվաստվեք հիմա։ Մի թողեք դանակը հասնի ոսկորին»։