«Խոր Վիրապ» պետական արգելավայրի տարածքում այսօր կեսօրին բռնկված հրդեհն արդեն մարվել է, կան մի քանի ծխացող օջախներ, որոնց մարման ուղղությամբ աշխատանքներն ընթանում են։
Նախնական տեղեկություններով այրվել է 2-3 հա չոր խոտածածկ տարածք։
Հիշեցնենք, որ Մթնոլորտային օդի պահպանության մասին ՀՀ օրենքի Հոդված 21-ի համաձայն արգելվում է այրել խոզանները, բուսական մնացորդներով ու չորացած բուսականությամբ տարածքները, արոտավայրերի ու խոտհարքների բուսականությունը գյուղատնտեսական, անտառամերձ, անտառային ու բնության հատուկ պահպանվող տարածքների հողերում:
Այդ մասին հայտնում են ՀՀ շրջակա միջավայրի նախարարությունից։