Ազգային անվտանգության ծառայությունը Սերժ Սարգսյանի եղբորը՝ Ալեքսանդր Սարգսյանին տվել է թույլտվություն որոշակի ժամանակով Հայաստանի սահմանից դուրս գալու համար։ Այս մասին Factor.am-ի հետ զրույցում ասաց ԱԱԾ մամուլի կենտրոնի պետ Սամսոն Գալստյանը։
«Նախաքննական մարմնի կողմից Ալեքսանդր Սարգսյանին որոշակի ժամկետով տրվել է թույլտվություն՝ Հայաստանից բացակայելու համար»,-Factor.am-ին ասել է Գալստյանը։
«Հարցին՝ որ երկիր մեկնելու թույլտվություն է ստացել Սարգսյանը և որքան ժամանակով, նա պատասխանեց․ «Դա չեմ կարող մեկնաբանել»։ Հիշեցնենք, որ ավելի վաղ Ալեքսանդր Սարգսյանը ԱԱԾ-ում տվել էր ստորագրություն՝ երկրից չհեռանալու մասին»,-գրում է աղբյուրը։
