Գերմանիայի նախկին կանցլեր Անգելա Մերկելը պաշտոնանկությունից հետո առաջին անգամ հայտարարությամբ է հանդես եկել՝ դատապարտելով ռուսական զինված ուժերի ներխուժումը Ուկրաինա:
«Այս պատերազմը սառը պատերազմից հետո Եվրոպայի պատմության լրջագույն շրջադարձային պահն է:
Միջազգային իրավունքի այս ծայրահեղ ծանր խախտմանը ոչ մի արդարացում չկա: Ես դատապարտում եմ այն խստագույնս: Այս սարսափելի ժամերին ու օրերին իմ մտքերը նրանց հետ են: Իմ համերաշխությունն եմ հայտնում ուկրաինացի ժողովրդին և Ուկրաինայի կառավարությանը՝ նախագահ Զելենսկու գլխավորությամբ», -հայտարարել է Անգելա Մերկելը:
