ՀՀ Ազգային ժողովի արտահերթ նիստի ընթացքում «Լուսավոր Հայաստան» խմբակցության պատգամավոր Էդմոն Մարուքյանը շրջակա միջավայրի նախարար Էրիկ Գրիգորյանից հետաքրքրվեց՝ ի՞նչ է կատարվում Սևանա լճի հետ:
«Կարո՞ղ եք պարզաբանում տալ, թե ինչ է տեղի ունենում Սևանի հետ և կա՞, արդյոք, պետական մակարդակով արված փորձագիտական եզրակացություն, թե պատճառն ինչն է և խնդիրն ինչպես է պետք լուծել»,- նախարարին հարց ուղղեց պատգամավորը՝ նաև հետաքրքրվելով՝ արդյո՞ք կովերի անկումը կապ ունի Սևանի հետ:
Նախարարը նշեց, որ ստեղծված իրավիճակի գործոնները մի քանիսն են: «Խնդիրները մի քանի աղբյուրներից են: Մեկը՝ կեղտաջրերի և կոյուղաջրերի ամբողջ ծավալը Գեղարքունիքում ձևավորվող հոսում է Սևանա լիճ, ինչպես նաև ափամերձ տարածքների ռեստորաններից և հյուրանոցներից ամբողջ նյութերը: Մյուս պատճառը ջրածածկ եղած անտառտնկարկներն են, որից նույնպես զգալի քանակությամբ օրգանական նյութեր են ներմուծվում լիճ»,- թվարկեց Էրիկ Գրիգորյանը:
Մանրամասները՝ Factor.am-ի տեսանյութում