Հուլիսի 26-ին Հայաստանում դիվանագիտական առաքելության ավարտի կապակցությամբ տեղի ունեցավ ՀՀ-ում Նիդերլանդների Թագավորության արտակարգ և լիազոր դեսպան Յոս Դաումայի (Jos Douma) հրաժեշտի հանդիպումը ՀՀ ԱԳ նախարարի տեղակալ Ավետ Ադոնցի հետ։
Ողջունելով դեսպան Դաումային՝ ԱԳ նախարարի տեղակալը շնորհակալություն հայտնեց Հայաստանում ծավալած բազմամյա ակտիվ և արդյունավետ գործունեության համար, ինչը մեծապես նպաստել է երկկողմ և բազմակողմ ձևաչափերում համագործակցության խորացմանը:
Շնորհակալություն հայտնելով ջերմ ընդունելության համար` դեսպանն իր երախտագիտությունը հայտնեց Ա. Ադոնցին իր առաքելության իրականացման գործում հայկական կողմի ցուցաբերած մեծ աջակցության համար։
Հանդիպմանը զրուցակիցները բարձր գնահատեցին հայ-հոլանդական հարաբերությունների ներկա մակարդակը՝ կարևորելով մի շարք ոլորտներում երկկողմ հարաբերությունների ակտիվացումը։
Հանդիպման ավարտին նախարարի տեղակալը Յոս Դաումային մաղթեց հաջողություն դիվանագիտական հետագա գործունեության մեջ:
Այս մասին տեղեկացնում է պաշտոնական հաղորդագրությունը։