Օգոստոսի 10-11-ը Բերդ քաղաքի «Սորաններ» դենդրոպարկում կանցկացվի «Շամշադինի Մեղրի եւ հատապտուղների 8-րդ փառատոնը»։
Մեղրի և հատապտուղների փառատոնը Տավուշի զարգացման ծրագրի կարևոր բաղկացուցիչ է և խթանման գործիք։ Փառատոնը հիմնադրվել է 2012 թվականին և ավանդաբար անց է կացվում օգոստոսի կեսին, Բերդ քաղաքի Սորաններ ազգային պարկում։
2019 թ. օգոստոսի 10-ից 11-ը կազմակերպվում է 8-րդ փառատոնը։
Սկիզբը՝ օգոստոսի 10-ին, ժամը 11:00, պաշտոնական բացումը՝ ժ․12։00-ին, մարզպետ Հայկ Չոբանյան:
Փառատոնը կուղեկցվի տոնական երգ ու պարով։
Երեկոյան 20:00` Ջազը սահմանին փառատոն՝ Հայաստանի պետական ջազային նվագախմբի մասնակցությամբ, որից հետո տեղի է ունենալու կիթառի երեկո՝ Բարդերի մասնակցությամբ։
Փառատոնի 2-րդ օրվա սկիզբը ժամը 11:00:
Փառատոնի մուտքը ազատ է։
Օրվա այլ միջոցառումներ
Մեղրի և նրանից պատրաստվող ուտելիքների ներկայացում
Հատապտուղների և նրանցից պատրաստվող ուտելիքների և ըմպելիքների ներկայացում
Գյուղական մթերքների, պահածոների, խմիչքների ներկայացում
Տարածաշրջանին բնորոշ ազգային կերակրատեսակների ներկայացում և համտեսում
Գորգագործության, գոբելենագործության, ձեռագործության, փայտամշակման և տարածաշրջանին բնորոշ այլ արհեստների ներկայացում
Տարածաշրջանի պրոֆեսիոնալ նկարիչների գործերի ցուցահանդես-վաճառք
Տարածաշրջանի տեսարժան վայրերի ներկայացում
Սահմանված երթուղով հատապտուղների հավաքչություն
Վրանային ճամբար՝ գիշերակացով
Համերգ-ներկայացումներ ազգային երգ ու պարի համույթների մասնակցությամբ
Մեղրով տորթի մրցույթ։
Այս մասին տեղեկացնում է պաշտոնական հաղորդագրությունը։