Լեռնային Ղարաբաղից բռնի տեղահանված անձանց թոշակների ու նպաստների հարցն առաջին օրվանից քննարկման փուլում է, լրացուցիչ հայտարարություն կտրվի, այս պահին թեմայի վերաբերյալ այլ մեկնաբանություն չունենք: «Մեդիալաբին» այս մասին ասաց ՀՀ աշխատանքի և սոցիալական հարցերի նախարարության մամուլի խոսնակ Զառա Մանուչարյանը՝ չնշելով հստակ ժամկետներ, թե երբ կավարտվեն այդ քննարկումները:
Սեպտեմբերի կեսերից բռնի տեղահանված ու Հայաստան տեղափոխված արցախցիները չեն ստացել ո՛չ կենսաթոշակները, ո՛չ նպաստները, ո՛չ էլ աշխատավարձերը: Հիշեցնենք, որ հոկտեմբերի 18-ին ՀՀ-ում Արցախի կառավարության օպերատիվ շտաբի շենքի դիմաց էին հավաքվել դժգոհող արցախահայերը, որոնք այդպես էլ իրենց հարցերին հուզող պատասխանները չստացան:
Նիկոլ Փաշինյանը հոկտեմբերի սկզբին արցախցիների աջակցության ծրագրերի մասին խոսելիս անդրադարձավ նաև կենսաթոշակներին, ընդգծեց՝ իրավական խնդիր կա՝ կախված նրանց բռնի տեղահանվածի և փախստական լինելու կարգավիճակի հետ։ Կարգավիճակի հարցով պետք է լուծում գտներ Կառավարությունը՝ Փաշինյանի խոսքով, բայց լուծումն ուշանում է կամ կարծես թե չկա:
«Կարգավիճակին և աշխատավարձերին վերաբերող հարցերը մեր տիրույթում չեն»,-«Մեդիալաբին» ասաց Զառա Մանուչարյանը:
ՔրիստինեԱղաբեկյան
MediaLab.am