Հայաստանում բազում հանցագործություններ ծնող պատճառը հենց քրեական ենթամշակույթն է և դրան սատարող անձանց վարքագիծը։ Հետևաբար, բացառիկ փոփոխություններ են կատարվում Քրեական օրենսգրքում: Այս մասին կառավարության այսօրվա նիստում ասաց գլխավոր դատախազ Արթուր Դավթյանը:
Նշենք, որ Քրեական օրենսգրքում կատարված լրացումներով, որոնք կառավարությունն այսօր հաստատեց, քրեական հեղինակությունների և օրենքով գողերի դեմ օրենքով պայքար կմղվի:
«Այսօրվա հանցավորության մակարդակի վրա էական ազդեցություն ունի քրեական ենթամշակույթը։ Նույն ենթամշակույթի, այսպես կոչված, շահառուները էական վնասում են նաև հանցագործությունների բացահայտման գործընթացին։ Այնպես որ, հիմիկվանից պետք է պլանավորել այն աշխատանքը, որը օրենքն ուժի մեջ մտնելուց հետո պետք է իրականացվի: Նաև նույն շրջանակներին պետք է իրազեկել, թե ինչ կարող է իրենց սպասվել առաջիկայում, եթե չվերանայեն իրենց վարքագիծը »,- հավալեց Գլխավոր դատախազը։
