Ժամկետային զինծառայողի՝ հրազենային վնասվածք ստանալու դեպքի առթիվ հարուցվել է քրեական գործ

Ժամկետային զինծառայողի՝ հրազենային վնասվածք ստանալու դեպքի առթիվ հարուցվել է քրեական գործ
Ժամկետային զինծառայողի՝ հրազենային վնասվածք ստանալու դեպքի առթիվ հարուցվել է քրեական գործ
Հեղինակ MediaLab

Ժամկետային զինծառայող Հայկ Խաչատրյանի՝ որովայնի շրջանում հրազենային վնասվածք ստանալու դեպքի առթիվ հարուցվել է քրեական գործ, տեղեկացնում է  Քննչական կոմիտեի մամուլի խոսնակ Նաիրա Հարությունյանը։

«22.09.2019թ.՝ ժամը 03:35-ի սահմաններում N զորամասի պահպանության տեղամասի մարտական դիրքում պարտադիր ժամկետային զինծառայող, շարքային Հայկ Վահեի Խաչատրյանի՝ որովայնի շրջանում հրազենային վնասվածք ստանալու դեպքի առթիվ երրորդ կայազորային քննչական բաժնում ՀՀ քրեական օրենսգրքի 373-րդ հոդվածի 2-րդ մասով նախատեսված հանցագործության հատկանիշներով հարուցվել է քրեական գործ, կատարվում է նախաքննություն:

Քրեական գործի քննությամբ պարզվել է, որ Հ.Խաչատրյանը հրազենային վնասվածքը ստացել է ծառայակցի կողմից զենքի հետ վարվելու կանոնների խախտման հետևանքով:

Քրեական գործով նախաքննությունը շարունակվում է»,- տեղեկացնում է Նաիրա Հարությունյանը։