Բարձրագույն դատական խորհուրդը հայտարարություն է տարածել, որում նշված է.
«Դատավոր Աննա Դանիբեկյանի հետ կատարված միջադեպից հետո Բարձրագույն դատական խորհրդի նախագահ Ռուբեն Վարդազարյանն անմիջապես մեկնել է Երևան քաղաքի ընդհանուր իրավասության դատարանի Շենգավիթի նստավայր:
Տեղեկացնենք, որ այս պահին արդեն իսկ լուծված է դատավոր Աննա Դանիբեկյանի անվտանգության ապահովման հարցը»:
Հիշեցնենք, որ Աննա Դանիբեկյանը Մարտի մեկի գործը քննող դատավորն է: Երեկ երեկոյան Ռոբերտ Քոչարյանի աջակից երիտասարդները հետապնդել են նրան ու հեռախոսով տեսանկարահանելով՝ հարցրեր ուղղել: