Երևանում Ավագանու որոշմամբ ստեղծվեց «Կանաչապատում և շրջակա միջավայրի պահպանություն» ՀՈԱԿ-ը. Տեսանյութ

«Սա շատ կարևոր քայլ եմ համարում, որովհետև մեր նորաստեղծ կազմակերպությունը կզբաղվի ոչ միայն կանաչապատման, մայրաքաղաքի անտառապատ տարածքների վերականգնման ու զարգացման, այդ թվում՝ ոռոգման ցանցի զարգացման հարցերով, այլեւ ՀՈԱԿ-ի միջոցներով առաջին անգամ համակարգված ձևով կզբաղվենք աղբի ու վտանգավոր թափոնների կառավարմամբ՝ տեսակավորմամբ ու վերամշակմամբ»,- ավագանու նիստում ասաց քաղաքապետ Հայկ Մարությանը: