ԱԺ Իմ քայլը խմբակցության ղեկավար Լիլիթ Մակունցը Ֆեյսբուքի իր էջում գրել է. «Սիրելի հայրենակիցներ, Ազգային ժողովն այսօր առաջին ընթերցմամբ միաձայն կողմ քվեարկեց կառավարության կողմից սահմանված մասնագիտություններով մագիստրատուրայում, առկա ասպիրանտուրայում և օրդինատուրայում սովորող և աշխատող ուսանողների եկամտահարկը ուսման վարձի համար փոխհատուցելու երկար սպասված նախագիծին: Երկրորդ ընթերցումից հետո՝ մարտ ամսին, այն ամբողջությամբ կմտնի ուժի մեջ»:
Հիշեցնենք, որ նախագծի հեղինակը պատգամավոր Սիսակ Գաբրիելյանն ու Իմ քայլը խմբակցության ղեկավար Լիլիթ Մակունցն են: