Նոր ուսումնական տարին, ըստ ոլորտի պատասխանատուների, մայրաքաղաքի 201 դպրոցները պատրաստ են նոր ուսումնական տարվան:
2010 թվականի ծրագրով վերանորոգման աշխատանքներ են իրականացվում մայրաքաղաքի թվով 24 դպրոցներում, որի ընթացքում փոխվել են դպրոցական շենքերի հաղորդուղիները, բարեկարգվել են տանիքները, նորոգվել են սպորտային և հանդիսությունների դահլիճները, կատարվել են ներքին հարդարման աշխատանքներ: Դպրոցների վերանորոգման աշխատանքների համար հատկացվել է մոտ 618 մլն դրամ:
«Այս տարի սեպտեմբերի 1-ին քաղաքապետարանի ենթակայության 201 դպրոցները կդիմավորեն մոտ 9700 առաջին դասարանցիների, իսկ բոլոր դասարաններում ընդհանուր առմամբ կսովորեն104 704 աշակերտներ:
Քաղաքապետարանի ենթակայության դպրոցներն ունեն 214 համակարգչային դասարան’ 2081 համակարգիչներով, 30 էլեկտրոնային գրատախտակներով:
Դպրոցներն ապահովված են ինտերնետ կապով, այդ թվում 16 դպրոց ընդգրկված է Հայաստանի դպրոցների ինտերնետային ցանցում:
Կրթական բարեփոխումների արդյունքում մայրաքաղաքում արդեն ձևավորվել և գործում է 31 ավագ դպրոց»,-հաղորդում է Երևանի քաղաքապետարանի տեղեկատվության և հասարակայնության հետ կապերի վարչությունը: