Անսպասելի ստուգայցեր զորամասեր. ռազմական ոստիկանությունն արձանագրել է մի շարք խախտումներ

Հեղինակ MediaLab

ՀՀ ՊՆ ռազմական ոստիկանությունը պաշտպանության նախարար Դավիթ Տոնոյանի հրամանով փետրվարի 7-ին անսպասելի ստուգայցեր է իրականացրել ԶՈՒ բազմաթիվ զորամասերում՝ ստուգելու զինվորական կարգապահության վիճակը, մասնավորապես՝ բացահայտելու մարտական պատրաստության դասընթացներին զինծառայողների մասնակցությունը։

Բացահայտվել են մի շարք խախտումներ։

Ռազմական ոստիկանության բաժիններ բերման են ենթարկվել դասընթացներից բացակայող մի խումբ զինծառայողներ, զինվորական կարգապահության վերահսկողության հարցում թերացած հրամանատարների վերաբերյալ կազմվել են արձանագրություններ, որոնց հիման վրա կանցկացվեն ծառայողական քննություններ։

Անսպասելի ստուգայցերը կրելու են շարունակական բնույթ, խախտումների հայտնաբերման դեպքում մեղավորները խստորեն պատժվելու են։

Այս մասին հայտնում են ՀՀ ՊՆ տեղեկատվության և հասարակայնության հետ կապերի վարչությունից: