«Ոչ անտարբերությանը», «Ոչ էմոյական ինքնասպանությանը» պաստառներով, այսօր մեկնարկեց միլիցիայի հատուկ նշանակության ջոկատների վետերանների միության երիտասարդական թևի նախաձեռնած երթ-ակցիան ընդդեմ «Հայաստանում տարածված «Էմո մշակույթի» աղավաղված գաղափարախոսության»:
Ընդամենը մեկ օր առաջ տարածած միության հաղորդագրությանը թեեւ շատերն արձագանքել էին որպես կատակ, սակայն ինչպես «Մեդիալաբին» ասաց երիտթեւի համակարգող Գայանե Գալստյանը իրենք շատ լուրջ են տրամադրված «Էմոների» դեմ պայքարում:
Նա տեղեկացրեց, որ երթ-ակցիային մասնակցել են 150-170 երիտասարդներ եւ որ իրենց պայքարը երթով չի սահմանափակվելու:
«Եթե անհրաժեշտություն լինի, մենք նաեւ մեր տղաներին կուղարկենք դպրոցներ` հերթապահություն անելու եւ դպրոցականների անվտանգությունը ապահովելու համար»,- «Մեդիալաբին» ասաց Գալստյանը:
Նա տեղեկացրեց, որ իրենց երիտասարադական կառույցում ընդգրկված «պատերազմի մասնակից փառապանծ վետերան ոստիկանների ժառանգները»:
© Medialab.am
