«Ժառանգություն» խմբակցության պատգամավորները երեկ Կառավարության մոտ տեղի ունեցած միջադեպի կապակցությամբ պատրաստվում են դիմել դատարան` խախտված իրավունքները վերականգնելու համար: Այդ մասին պատգամավորներն հայտարարել են այսօր տեղի ունեցած ասուլիսի ժամանակ` նշելով, որ գնալու են մինչեւ վերջ:
«Մենք նաեւ ծառայողական քննություն ենք պահանջելու եւ ակնկալում ենք, որ դրա արդյունքում ոստիկանության համակարգից օրենքը խախտած ոստիկաններ կհեռացվեն»,- ասել է «Ժառանգության» պատգամավոր Արմեն Մարտիրոսյանը:
Հիշեցնենք, որ երեկ առավոտյան Կառավարության շենքի մոտ բացօթյա առեւտրով զբաղվող մի քանի տասնյակ կանանց ցույցի ժամանակ, որոնց էին միացել նաեւ «Ժառանգության» պատգամավորները, բախում է տեղի ունեցել ցուցարարների եւ ոստիկանների միջեւ:
Ըստ ականատեսների, ոստիկնները հրել եւ հարվածել են ցուցարներին, այդ թվում նաեւ պատգամավորներին, ինչի հետեւանքով պատգամավոր Անահիտ Բախշյանի ինքնազգացողությունը վատացել է եւ նրան տեղափոխել են հիվանդանոց: Իսկ ակտիվիստ Վարդգես Գասպարիին երեք ոստիկաններ բռնությամբ մտցրել են ոստիկանական մեքենան եւ տարել բաժին:
Ոստիկանությունը տեղի ունեցածում մեղադրել է պատգամավորներին:
Տեղի ունեցածի կապակցությամբ մտահոգություն են հայտնել ընդդիմադիր ՀԱԿ-ը, ԱԺ ՀՅԴ խմբակցությունը: ԱԺ նախագահը հեռախոսազրույց է ունեցել ՀՀ ոստիկանապետ Ալիկ Սարգսյանի հետ:
«ՀՀ ոստիկանապետը ԱԺ նախագահին տեղեկացրել է, որ միջադեպի մանրամասները ճշտվում են եւ օրվա ընթացքում կներկայացվեն խորհրդարանի ղեկավարին»,-տեղեկացնում է ԱԺ պաշտոնական կայքէջը:
© Medialab.am