Հովիկ Աբրահամյան. նախագահն ինքը կորոշի այցելի Րաֆֆի Հովհաննիսյանի, թե ոչ

Հովիկ Աբրահամյան. նախագահն ինքը կորոշի այցելի Րաֆֆի Հովհաննիսյանի, թե ոչ
Հովիկ Աբրահամյան. նախագահն ինքը կորոշի այցելի Րաֆֆի Հովհաննիսյանի, թե ոչ

Հայաստանի ԱԺ նախագահ Հովիկ Աբրահամյանը մարտի 24-ին արձագանքելով ԱԳ նախկին նախարար Վարդան Օսկանյանի հայտարարությանը` հակադարձել է, թե «Վարդան Օսկանյանն իրավունք չունի ինչ որ խորհուրդներ տալ Հայաստանի նախագահին»:

Օսկանյանը մեկ օր առաջ հանդես էր եկել հայտարարությամբ, որտեղ նշել էր, թե հաշվի առնելով այն փաստը, որ Սերժ Սրագսյանը 2007-ին` դեռ վարչապետի պաշտոնում այցելել է նշանավոր բռնցքամարտիկ Իսրայել Հակոբկոխյանին եւ հորդորել դադարեցնել քաղաքական դրդապատճառներից սկսած հացադուլը, ապա «կարծում եմ, hանրապետության նախագահը նույն քայլը կարող է ձեռնարկել Րաֆֆի Հովհաննիսյանի պարագայում»:

 

«Այս քայլը կնպաստի Հայաստանի ներքաղաքական իրադրության բարելավմանը, ինչպես նաեւ ելք կլինի ստեղծված իրավիճակից»,- ասել էր Վարդան Օսկանյանը:

Հովիկ Աբրհամյանն ԱԺ-ում  հակադարձել է նախկին նախարարին. «Հանրապետության ղեկավարը ինքը կորոշի ում եւ երբ այցելել»:

Միեւնույն ժամանակ Հովիկ Աբրահամյանը հավելել է, թե ինքը չի բացառում, որ ինքը կարող է այցելել մարտի 15-ից Ազատության հրաարակում հացադուլի նստած «Ժառանգություն» կուսակցության ղեկավար Րաֆիի Հովհաննիսյանին:

© Medialab.am