Այսօր երեկոյան, Չինաստանի Նինբո քաղքից Երեւան վերադարձած Հայաստանի շախմատի հայ չեմպիոններին Զվարթնոցում ընդունեցին մեծ հուզմունքով եւ բացականչություններով:
Հիշեցնենք, որ երեկ Չինաստանի Նինբո քաղաքում ավարտված աշխարհի թիմային առաջնությունում Հայաստանի շախմատի հավաքականը հաղթող է ճանաչվել: Նախկինում աշխարհի չեմպիոնական կոչմանն էին արժանացել չորս երկիր միայն` ԽՍՀՄ-ը, Ռուսաստանը, Ուկրաինան և ԱՄՆ-ն :
9 տուրերում Հայաստանի հավաքականը առավելություն գրանցելով Իսրայելի, Եգիպտոսի, Չինաստանի, Հնդկաստանի, Հունգարիայի եւ ոչ ոք գրանցելով ԱՄՆ-ի Ռուսաստանի, Ադրբեջանի եւ Ուկրաինայի հավաքականների հանդեպ, նվաճել է շախմատի աշխարհի առաջնության չեմպիոնի տիտղոսը:
Շախմատի Հայաստանի տղամարդկանց հավաքականը օլիմպիադաների եռակի մրցանակակիր է, իսկ 2006-ին և 2008-ին նվաճել է չեմպիոնական կոչումները:
Օդանավակայանում, Հայաստանի դափնիներ պարգեւած շախմատիստներին դիմավորելու են գնացել ոգեւորված բազմաթիվ երկրպագուներ, երիտասարդական խմբեր: Զվարթնոցում է նաեւ երկրի նախագահ Սերժ Սարգսյանը, որը 2004-ից հանդիսանում է նաեւ Շախմատի ֆեդերացիայի նախագահը:
© Medialab.am