Ոստիկանությունը դադարեցնում է զենքի շրջանառության հետ կապված քաղաքացիներին սպասարկող ծառայությունները

Հեղինակ MediaLab

Ոստիկանությունը ժամանակավորապես դադարեցրել է զենքի շրջանառության հետ կապված քաղաքացիներին սպասարկող ծառայությունները: Այս մասին տեղեկանում ենք ոստիկանության հաղորդագրությունից, որը ներկայացնում ենք ստորեւ:

«Ղեկավարվելով Հայաստանի Հանրապետության ողջ տարածքում հանրային ծառայության իրականացման նկատմամբ կիրառվող սահմանափակումների վերաբերյալ Պարետի 24.03.2020 թ. թիվ 15 որոշման 1-ին կետի 3-րդ ենթակետով՝ մինչև 2020 թվականի մարտի 31-ը՝ ժամը 23.59-ը, ՀՀ ոստիկանությունը ժամանակավորապես դադարեցրել է զենքի շրջանառության հետ կապված թույլտվություններ, զենքի առևտրի և արտադրության լիցենզիա, ինչպես նաև այլ լիցենզիաներ տրամադրող ՀՀ ոստիկանության մասնագիտացված ստորաբաժանումների՝ քաղաքացիներին սպասարկող ծառայությունների գործունեությունը»: