Գեղարքունիքի մարզպետ Գնել Սանոսյանը իր ֆեյսբուքյան էջում մարզի բնակիչներին հորդորել է մնալ տանը, հետևել պարետատան ցուցումներին։
«Գեղարքունիքի մարզի հարգելի’ բնակիչներ.
Խնդրում եմ, աղաչում եմ և պահանջում եմ (Միշտ դուք եք պահանջում, այս անգամ էլ ես
պահանջեմ) ՄՆԱՑԵ’Ք ՏԱՆԸ։
Հաշվի առնելով, որ այս պահին կորոնավիրուսով վարակվածության դեպքեր Գեղարքունիքում ու Արցախում չեն գրանցվել, հաշվի առնելով, որ մեր մարզը հանդիսանում է Արցախի ԴԱՐՊԱՍԸ, ուստի խնդրում եմ, արտակարգ դրության այս իրավիճակում, խստագույնս հետևել պարետատան ցուցումներին։
Մեր ՎԱՐՔԻՑ շատ բան է կախված։
Առողջ եղե’ք…», -իր ֆեյսբուքյան էջում գրել է մարզպետը։
