Թբիլիսիում Հայաստանի նախագահ Սերժ Սարգսյանի հետ համատեղ մամուլի ասուլիսում Վրաստանի նախագահ Միխեիլ Սահակաշվիլին հայտարարել է, որ Թբիլիսին եւ Երեւանը ցանկանում են դյուրացնել սահմանային հսկողության ռեժիմը:
«Այս տարվա ընթացքում 600 հազար Հայաստանի քաղաքացիներ են հատել Վրաստանի պետական սահմանը: Երկու երկրների քաղաքացիների համար էլ շատ կարեւոր է որպեսզի սահմանային անցկակետերում բյուրոկրատիան վերանա: Ի վերջո մենք հասնելու ենք մի իրավիճակի երբ երկու երկրների քաղաքացիներին միայն մեկ անցակետում են ստուգելու: Ավելին, կարիք չի լինի անգամ մեքենայից դուրս գալ», – հայտարարեց Վրաստանի նախագահը` հատուկ ընդգծելով, թե սահմանային ռեժիմի կտրուկ դյուրացումն անհնարին կլիներ առանց հայ-վրացական հարաբերությունների գերազանց վիճակի:
© Medialab.am
