Ավազակային հարձակում.Արաբկիրի «Հայփոստի» բաժանմունքից կողոպտել են 27,117 մլն դրամ

Ավազակային հարձակում.Արաբկիրի «Հայփոստի» բաժանմունքից կողոպտել են 27,117 մլն դրամ
Ավազակային հարձակում.Արաբկիրի «Հայփոստի» բաժանմունքից կողոպտել են 27,117 մլն դրամ
Հեղինակ MediaLab

Այսօր՝ դեկտեմբերի 3-ի առավոտյան, ոստիկանության Արաբկիրի բաժնում ահազանգ է ստացվել, որ Շիրվանզադեի փողոցի թիվ 2 հասցեում գտնվող «Հայփոստի» թիվ 14 բաժանմունքում ավազակային հարձակում է կատարվել:

Դեպքի վայր մեկնած ոստիկանները պարզել են, որ ժամը 8-ի սահմաններում, դեմքը հագուստով փակած անձը մտել է փոստային բաժանմունք և դանակի սպառնալիքով փոստային բաժանմունքի պետի ձեռքից հափշտակելով ինկասացիոն պարկը, որի մեջ եղել է 27.117.000 դրամ` դիմել է փախուստի:

Փաստի առթիվ հարուցվել է քրեական գործ՝ ՀՀ քրեական օրենսգրքի 175 հոդվածի հատկանիշներով:

Ձեռնարկվում են օպերատիվ-հետախուզական և քննչական համատեղ միջոցառումներ հանցագործություն կատարած անձի ինքնությունը պարզելու և նրան հայտնաբերելու ուղղությամբ

Կատարվում է նախաքննություն:

© Medialab.am