30-ամյա տղամարդը գողանում էր գերեզմանատնից

Ոստիկանության Արարատի բաժնի քրեական հետախույզները ապրիլի 12-ին, գողություն կատարելու կասկածանքով, Ավշար գյուղից բերման են ենթարկել 30-ամյա տղամարդու:

Նա տվել է խոստովանական բացատրություն, որ մարտ ամսին Ոսկետափ գյուղի գերեզմանատնից գողացել է դյուրալյումինե նախշազարդեր:

Նյութերի նախապատրաստման ընթացքում պարզվել է, որ նա մարտ ամսին Ոսկետափ գյուղի գերեզմանատնից կատարել է նաև այլ գողություններ:
Տուժողներից ընդունվել են հաղորդումներ: Նրանք հայտնել են, որ նախկինում ոստիկանություն չեն դիմել, քանի որ գողության մասին տեղյակ չեն եղել:

Նախապատրաստվում են նյութեր:

Այս մասին տեղեկացնում է ՀՀ ոստիկանությունը։