Այս տարվա ընթացքում ՀՀ արտակարգ իրավիճակների նախարարությունը նախատեսում է հանրապետության հեռավոր համայնքներում կամավորական հրշեջ-փրկարարական ջոկատներ ստեղծել: Այդ մասին հայտարարել է ԱԻ նախարար Արմեն Երիցյանը Շիրակի մարզ կատարած աշխատանքային այցի շրջանակներում։
«Այն կնպաստի արտակարգ իրավիճակների արդյունավետ և օպերատիվ արձագանքմանը, և այս հարցում ևս ակնկալում ենք մարզպետարանի աջակցությունը», – մասնավորեցրել է Երիցյանը։
Նույն այցելության ժամանակ ծառայողական պարտականությունները բարեխիղճ ու անձնվիրաբար կատարելու համար դրամական պարգևներ են ստացել Շիրակի մարզի 9 հրշեջ-փրկարարներ:
Շիրակի մարզային փրկարարական վարչությանը ստացել է նոր «ՈւՐԱԼ» մակնիշի ամենագնաց նոր ավտոմեքենա: Այն նախատեսված է 15 հոգու համար եւ ավելի արդյունավետ է դարձնում որոնողափրկարարական աշխատանքների իրականացումը ձմեռային պայմաններում: Մարզային փրկարարական վարչությանը հանձնվել է նաև շարժական էլեկտրակայան։
© Medialab.am