Երևանի փոխքաղաքապետ Տիգրան Վիրաբյանը Ֆեյսբուքի իր էջում գրել է․
«Թբիլիսիի իմ գործընկեր, փոխքաղաքապետ Սոֆիո Խունտսարիան տեղեկացնում է, որ Թբիլիսիի հեռուստաաշտարակը այս օրերին ներկվել է Հայաստանի պետական դրոշի գույներով։
«Այս պայքարում մենք ձեզ հետ ենք։ Միասին կհաղթահարենք համաճարակը», – այսպիսի ուղերձ է հղում բարեկամ Վրաստանը։
Շնորհակալ եմ, թանկագին Սոֆիո, միասին մենք ուժեղ ենք, ամեն ինչ լա՛վ կլինի»,- գրել է Տիգրան Վիրաբյանը։
