Երևանի քաղաքապետ Տարոն Մարգարյանի որոշմամբ, կապամոնտաժվեն ամիսներ շարունակ քննարկումների կիզակետում հայտնված Երեւանի Մաշտոցի պուրակի կրպակները:
Այդ մասին տեղեկացնում է Երեւանի քաղաքապետարանի տեղեկատվության եւ հասարակայնության հետ կապերի վարչությունը:
«Ուժը կորցրած է ճանաչվել Երևան քաղաքի ենթակայության «Կենտրոն-Կանաչապատում» ՓԲ ընկերությանը 15.12.2011թ. տրամադրված տաղավարների տեղադրման թույլտվությունը,-նշված է հաղորդագրության մեջ:
Համաձայն քաղաքապետի որոշման, «Կենտրոն-Կանաչապատում» ՓԲԸ-ի տնօրենին հանձնարարվել է ապամոնտաժել վերոնշյալ տարածքում ընկերության կողմից տեղադրված տաղավարները և իրականացնել բարեկարգման աշխատանքներ»:
Հիշեցնենք, որ երեկ երկարատեւ քննադատություններից եւ քննարկումներից հետո, քաղաքապետի ուղեկցությամբ Մաշտոցի պուրակ էր այցելել նախագահ Սերժ Սարգսյանը, եւ Մարգարյանին ասել, որ րպակներն «իրոք, գեղեցիկ չեն» եւ լավ կլինի, որ դրանք ապամոնտաժվեն: Նախագահի խոսքերը, որոշ վերլուծաբաններ համարել էն անհաջող նախընտրական քայլ, որը կարող է հենց իշխանությունների դեմ աշխատել:
Թեեւ բնապահպան ակտիվիստները երկար ժամանակ պայքարում էին ընդդեմ Մաշտոցի պուրակում տեղադրված կրպակների՝ներկայացնելով օրինական հիմքեր, այն մասին որ իշխանություններն իրավունք չունեն պուրակում նման գործունեություն ծավալեն: Սակայն երկու ամսվա ընթացքում ո՛չ ՀՀ նախագահը, ո՛չ Երեւանի քաղաքապետ տարոն Մարգարյանը, ո՛չ էլ իշխանական թեւի ազդեցիկ այլ ներկայացուցիչներ հաշվի չէին առնում այդ փաստարկները:
Քաղաքապետարանի հաղորդագրությունը տեղեկացնում է, որ որոշման կատարման հսկողությունը կիրականացնի Երեւանի քաղաքապետի տեղակալ` Կամո Արեյանը:
© Medialab.am