Կառավարությունը մարտին ուներ հաշվարկ, որ եթե հանկարծ իրադարձությունը զարգանա իտալական սցենարով, մեկ ամսվա ընթացքում կորոնավիրուսից 10 հազար մահ կգրանցվի Հայաստանում: Այս մասին կառավարության նիստում ասաց վարչապետ Նիկոլ Փաշինյանը:
«Այսինքն՝ մենք համոզված չէինք, որ հենց այդ սցենարով չէր ընթանա, և եթե անկեղծ ասենք, հիմա էլ համոզված չենք՝ այդ սցենարով կընթանա, թե չէ: Եվ մենք պետք է արձանագրենք, որ ինչքան էլ մեր ռազմավարությունը լինի հետագայում սահմանափակումների ռեժիմին չվերադառնալը, այնուամենայնիվ, մենք կարող ենք ստիպված գնալ այդպիսի որոշման: Ո՞ր պարագայում դա տեղի կունենա, կա մեկ պարագա՝ եթե մենք սիմպտոմով հիվանդներին բուժօգնություն ցուցաբերելու մեր կարողությունները սպառենք»,- ասաց նա:
Մանրամասները՝ Factor.am-ի տեսանյութում.
