Թեղուտի պաշտպանության քաղաքացիական նախաձեռնությունը ստվերային զեկույց է ներկայացրել Եվրամիությանը` մանրամասն հիմնավորելով, որ Հայաստանի կառավարությունը Գործընկերության և համագործակցության համաձայնագրի գործողությունների պլանի շրջանակներում չի ապահովել մի շարք անհրաժեշտ պայմաններ:
Դրանով կառավարությունը ձախողել է Եվրամիության հետ առավել սերտ համագործակցություն սկսելու համար նախապայման հանդիսացող առանցքային հարցերի կարգավորումը, որոնցից են, ի թիվս այլնի`
իր միջազգային պարտավորությունները չհարգելը,
պետությանը տրված հսկայական դրամաշնորհային ծրագրերում կոռուպցիոն ռիսկերը,
Օրհուսի կոնվենցիայի 9-րդ հոդվածի խախտմամբ բնապահպանական ՀԿ-ներին դատարան դիմելու իրավունքից զրկելը,
գյուղացիների մասնավոր սեփականության իրավունքը ոտնահարելը,
հանքարդյունաբերության հետևանքով առաջացող բնակչության առողջապահական խնդիրները արհամարհելը,
բնապահպանական օրենսդրության բացը,
Շրջակա միջավայրի վրա ազդեցության գնահատման մեխանիզմների բացակայությունը և այլն:
Այս մասին ասվում է նախաձեռնության տարածած հաղորդագրության մեջ:
© Medialab.am