Ազգայն ժողովի Լուսավոր Հայաստան խմբակցության պատգամավոր Մանե Թանդիլյանը իր ֆեյսբուքյան էջում անդրադարձել է Բարգավաճ Հայաստան խմբակցության՝ պահանջվող 27 ստորագրությունների փոխարեն 26 ստորագրություններով ՍԴ ներկայացրած դիմումին և գրել․
Սիրելի լրագրողներ,
Մեզ շատ եք հարցնում, արդյո՞ք կարող են պատգամավորների 26 ստորագրությամբ դիմել Սահմանադրական դատարան։
Նշեմ որ, Սահմանադրության 169-րդ հոդվածի 1-ին մասի 2-րդ կետի համաձայն Սահմանադրական դատարան կարող են դիմել պատգամավորների առնվազն 1/5-րդ-ը, այսինքն 20 տոկոսը։
26 պատգամավորը կազմում է 19,7 տոկոս, որը միանշանակ փոքր է 20 տոկոսից՝ 1/5-ից։
Հետևաբար, ՍԴ իրավունք չունի վարույթ ընդունել դիմումը, ինչպես չի եղել երբևէ։