2013 թվականին ևս, ինչպես նախորդ տարիներին, «Տաշիր» բարեգործական հիմնադրամը, Կարեն և Սամվել Կարապետյանների ղեկավարությամբ, կիրականացնի մի շարք մեծածավալ ծրագրեր: Հիմնադրամը ձեռնպահ է մնալու մասնավոր, անհատական դիմումներին ընթացք տալուց` գործունեության հիմքում ունենալով բացառապես համակարգված, ծրագրային աջակցությունների ու խրախուսանքների մեխանիզմը: Նման որոշում է կայացվել բարեգործական հիմնադրամի հոգաբարձուների խորհրդի երեկ կայացած նիստում, որը վարել է հոգաբարձուների խորհրդի նախագահ, ԱԺ պատգամավոր Կարեն Կարապետյանը:
Նիստում հաստատվել են ընթացիկ տարվա աշխատանքների մեխանիզմները: Մասնավորաբար, շարունակվելու են աջակցություններն ու խրախուսանքները տարբեր թիրախային խմբերին` հստակ ժամանակացույցով իրականացվելիք ծրագրերի շրջանակներում: Բոլոր ծրագրերը նախապես կքննարկվեն և կհաստատվեն հիմնադրամի հոգաբարձուների խորհրդի նիստերում, որից հետո անմիջապես դրանց մասին պատշաճ կարգով կիրազեկվի հանրությունը: Ծրագրերը հաստատվելու են հստակ ամրագրված չափանիշների, առաջին հերթին` օբյեկտիվության և առաջնայնության նկատառումներով` ընդգրկելով այն ոլորտներն ու թիրախային խմբերին, որտեղ մեր պետության հնարավորությունները դեռևս լիարժեքորեն բավարար չեն:
Այս մասին տեղեկացնում է «Տաշիր» բարեգործական հիմնադրամի մամլո հաղորդագրությունը:
© Medialab.am