Իր վերջին հարցազրույցում, երկրորդ նախագահ Ռոբերտ Քոչարյանը հանդես էր եկել Հայաստանի տնտեսական վիճակի քննադատությամբ, խոսելով նաեւ արտագաղթի վտանգավոր ցուցանիշների մասին: Ռոբերտ Քոչարյանը նաեւ կասկած էր հայտնել տնտեսության աճի ներ
կայիս ցուցանիշների կապակցությամբ, հիշատակելով նաեւ, որ դա տեղի է ունենում արտաքին պարտքի ավելացմանը զուգահեռ:
«Կառավարության հանգիստ ու հանդարտ ջանքերով շատ դժվար է լինելու կոտրել այս միտումները: Մեզ շատ ավելին է պետք: Այն, ինչը կմոբիլիզացնի հասարակությանը, հավատ կներշնչի և կմղի գործողությունների: Հուսով եմ, որ իշխանությունը կհաղթահարի այս մարտահրավերները», հայտարարել էր Քոչարյանը:
Այդ հայտարարությունը փորձագիտական շրջանակներում ընկալվել էր որպես հայտ վարչապետության համար: Հարցազրույցով Ռոբերտ Քոչարյանի ներկայացրած հայտը Սերժ Սարգսյանը մերժեց իր հարցազրույցով՝ Ազատություն ռադիոկայանին տված:
«Գիտեք, միշտ էլ հեշտ է մեղադրել եւ կողքից ասել, թե ի՞նչ նշանակություն ունի համաշխարհային ֆինանսատնտեսական ճգնաժամը, մեր երկիրը փոքր երկիր է, չգիտեմ, մեր նիշը ցածր է, եւ այլն, եւ այլն․․․ Միշտ էլ կարելի է առիթ գտնել իշխանություններին քննադատելու, նրանց արածը նսեմացնելու: Բայց կարծում եմ, որ մենք այսօր ունենք բոլորովին այլ տնտեսություն, քան այն, ինչ ունեինք մինչեւ ճգնաժամը: Կարելի է մեր տնտեսության կառուցվածքը համեմատել եւ տեսնել», ասում է Սերժ Սարգսյանը: Կարդալ ավելին
