Լոնդոնում ուսանող Ալեքսանդր և Գեորգի Ձավարյանները 30000 դեմքի պաշտպանիչ վահաններ են ուղարկել Հայաստան։ Այդ մասին տեղեկացնում է Սփյուռքի գործերի գլխավոր հանձնակատարի գրասենյակը։
Անցած ամիս եղբայրներից ստանալով նախաձեռնության մասին հաղորդագրությունը՝ Սփյուռքի գործերի գլխավոր հանձնակատարի գրասենյակը Առողջապահության նախարարության համակարգմամբ աջակցություն է ցուցաբերել խմբաքանակի փոխադրման կազմակերպչական հարցերին:
Ալեքսանդրը և Գեորգին իրենց դպրոցի մի անկյունը վերածել են ժամանակավոր արտադրամասի և առողջապահության ոլորտի աշխատողների համար պաշտպանիչ վահաններ են արտադրում։
«Այժմ նրանք ստեղծել են վահանների սերիական արտադրության սարքավորում և կարողանում են մեծ խմբաքանակներ արտահանել նաև այլ երկրներ: Լսելով հայրիկի խորհուրդը՝ որոշեցին անպայման անվճար խմբաքանակ ուղարկել հայրենիք՝ միանալով կորոնավիրուսի դեմ հայաստանյան պայքարին»,- նշված է գրասենյակի ֆեյսբուքյան էջում: