Մամուլը տեղեկացնում է, որ ստուգումներ են սկսվել Գագիկ Ծառուկյանին պատկանող ձեռնարկություններում, եւ նրա հանդիպումը վարչապետի հետ պայմանավորված է դրանով:
Կան նաեւ տեղեկություններ, որ օլիգարխների մի մասն արտերկրում է, քննարկելու սեփական ճակատագիրը: Երեկ ՀՀԿ գործկոմի նիստին ներկա չէր ԱԺ նախագահ Հովիկ Աբրահամյանը, ով արտերկրում է:
Օլիգարխները խուճապի մեջ են, ընդ որում՝ թե իշխանության, թե ԲՀԿ ճամբարում գտնվողները: Խուճապային տրամադրություններն ուժեղացել են Երեւանի ոստիկանապետ Ներսես Նազարյանի պաշտոնանկությունից հետո, որին ազատել են բիզնեսի հետ սերտաճելու համար: Իսկ խուճապը սկսել էր այն բանից հետո, երբ օֆշորները սկսեցին «բացահայտվել», եւ Ռուսաստանում սկսեց կապիտալի լեգալացման գործընթաց:
Ռուսաստանում ծախսերի վերաբերյալ հայտարարագրեր տալուց առաջ Պետական Դումայի 30 պատգամավոր բաժանվել են իրենց կանանցից, որոնց անունով է գրանցված նրանց կարողության մեծ մասը: Հայ օլիգարխներից, պաշտոնյաներից ու պատգամավորներից շատերի կարողությունն էլ է գրված իրենց կանանց վրա: Արդյոք նրանք էլ ապահարզան կտան իրենց կանանց: Ասում են, նման դեպքեր արդեն կան:
Ամբողջական հոդվածը կարող եք կարդալ այստեղ
