Ստորագրում են ընտրությունների չեկած ընտրողների փոխարեն, իսկ դիտորդներին ու լրագրողին սաստում են՝ «իրար չգաք» ասելով

 

12/20 տեղամասում, հանձնաժողովի նախագահը փորձում է խոչընդոտել Ժուռնալիստների «Ասպարեզ» ակումբի ԶԼՄ ներկայացուցչի եւ Թրանսփարենսի ինթերնեյշնլ հակակոռուպցիոն կենտրոնի դիտորդի աշխատանքը, պահանջելով չնկարահանել տեղի ունեցողը քվեասենյակում: Քվեների հաշվարկը 20:35-ին դրությամբ չէր սկսված, որովհետեւ հանձնաժողովի անդամները հաց էին ուտում: 20:39:

 

13/30 տեղամասի հանձնաժողովի նախագահը ժամը 19:50-ից մինչեւ այս պահը` 20:35 մի ոստիկանի հետ առանձնացել է մի սենյակում` քվեասրահին կից եւ դուրս չի գալիս, հանձնաժողովի մի քանի ադամներ ելումուտ են անում այդ սենյակ ու չեն սկսում քվեների հաշվարկը: Միաժամանակ հանձնաժողովի անդամները թույլ չեն տալիս դիտորդներին եւ լրագրողներին մտնել այն առանձին սենյակը, որտեղ հանձնաժողովի նախագահն է եւ ոստիկանը, բացատրում են թե ոստիկանը ինչ-որ հետաքննությունէ անում: 20:37

 

08/10 տեղամասում 19:20-ին մուտք էին գործել պատճենված վկայականներով 3 հոգի` ներկայանալով որպես դիտորդ, ՀՔԱ Վանաձորի գրասենյակի նախագահ, դիտորդ Արթուր Սաքունցի` ԿԸՀ-ին հարցում անելուց հետո, այդ երեք հոգին լքել են տեղամասը:

 

08/06 տեղամասում (№ 90 դպրոց` Բատիկյան փ.), այլեւս ընտրող չկա, հանձնաժողովի անդամները բոլորի աչքի առաջ ցուցակներում ստորագրում են ընտրությունների չեկած ընտրողների փոխարեն, իսկ դիտորդներին ու լրագրողին սաստում են՝ «իրար չգաք» ասելով:

 

07/29 տեղամասում (№ 146 դպրոց, Լուկաշինի փ.), դիտվում են կողմնակի անձինք եւ մարդկանց կուտակումներ. անօրինական քարոզչություն է ընթանում, ահաբեկում են, դիտորդներին և լրագրողներին հնչում են սպառնալիքներ, հանձնաժողովի անդամները թափթփված են աշխատում: 19:58

 

08/06 տեղամասում (№ 90 դպրոց` Բատիկյան փ.), ապօրինությունները հասան իրենց գագաթնակետին, բազմաթիվ մարդիկ մտնում են առանց մատյանում գրանցվելու քվեաթերթիկ են ստանում, քվեարկում են եւ հեռանում: Կուտակումներ, խառնաշփոթ ու ժխոր է տեղամասում, հանձնաժողովի նախագահը չի տիրապետում իրավիճակին, կամ` իրեն այդպես է պետք, դիտորդների եւ ԶԼՄ ներկայացուցիչների բազմաթիվ դիտողություններին եւ խախտումները գրանցելու պահանջները մերժվում են համառորեն: 19:51:

 

07/10 տեղամասում (№ 84 մանկապարտեզ, Շերամի փ.), դիտվում են ընտրողների կուտակումներ եւ կողմնակի անձանց առկայություն. տեղամաս են մտնում անձինք (հիմնականում կրկնվում են 3-ը), ովքեր ուղեկցում են տեղամաս բերված ընտրողներին: Հանձնաժողովի նախագահը հրաժարվում է գրանցամատյանում գրանցել փաստի վերաբերյալ հայտարարույթունը:

 

08/10 ընտրատեղամասում (№ 97 մանկապարտեզ, Ա-3 թաղամաս), ներկա են դիտորդներ, ում մոտ եղած դիտորդական կազմակերպության վկայականները բնօրինակներ չեն՝ պատճենի տեսքով են: Դրա մասին Թրանսփարենսի Ինթերնեյշնլ հակակոռուպցիոն կենտրոնի դիտորդը ահազանգել է հանձնաժողովի նախագահին, սակայն նա հրաժարվել է մեկնաբանել կամ գրանցել փաստը գրանցամատյանում: 19:44

 

07/14 տեղամասում (№ 80 մանկապարտեզ, Հաղթանակ), ՀՀԿ վստահված անձ` Սուրիկ Հայկազի Վարդանյանը ահաբեկում և սպառնում է դիտորդ Նաիրի Մաթեւոսի Հախվերդուն: 19:40

 

07/14 տեղամասում (№ 80 մանկապարտեզ, Հանղթանակ), ՀՀԿ-ական վստահված անձը համարձակվել է մի քանի անգամ վեճի բռնվել Թրանսփարենսի Ինթերնեյշնլ հակակոռուպցիոն կենտրոնի դիտորդի հետ, պահանջելով չնկարահանել իրեն եւ քվեասենյակը: Դիտորդը մի քանի անգամ դիմել է հանձնաժողովի նախագահին, պահանջելով կարգի հրավեիրել վերջինիս, հանձնաժողովի նախագահը մի քանի անգամ կարգի է հրավիրել ՀՀԿ-ական վստայհված անձին, սակայն վերջինս չի դադարեցնո իր վեճ հրահրելու վարքագիծը:

 

13/11 տեղամասում (№ 16 դպրոց, Բուռնազյան փ.), խոչընդոտել են դիտորդի եւ լրագրողի աշխատանքը. գրանցամատյանում չեն արձանագրում նրանց դիտարկած փաստերը և ի պատասխան գրանցման պահանջի՝ արժանանում են հանջնաժողովի աշխատանքներին խոչնդոտելու անթույլատրելիության մասին զգուշացումների: Արձանագրման պահանջներից է՝ քվերկության ողջ ընթցում ՏԸՀ-ում ԲՀԿ շահերը պաշտպանող անձնավորության առկայության փատը, ով չունի համապատասխան կարգավիճակը հաստատող որևէ փաստաթուղթ:

 

08/02 տեղամասում (№ 152 դպրոց, Արարատյան 1-ին զանգված), տեւական ժամանակ վեճ է ընթանում հանձնաժողովի ՀՀԿ-ական նախագահի եւ դաշնակցական վստահված անձի միջեւ, այն բանի շուրջ, որ վստահված անձը առավոտնից իր ձեռքում ունենալով տեղամասի ընտրացուցակները, շարունակ դրանցում նշել է քվեաթերթիկ ստացածների տվյալնները: