ՊԵԿ-ի ուշադրության կենտրոնում է սոցիալական ցացներում իրականացվող առևտուրը

Համավարակով պայմանավորված՝ երկրում առկա սահմանափակումների ընթացքում ՊԵԿ հետաքննության և օպերատիվ հետախուզության  աշխատակիցները կենտրոնացած են եղել անբարեխիղճ տնտեսական գործընթացների վրա: 

«Արմենպրես»ի մամուլի սրահում հրավիրված ասուլիսում ՊԵԿ հետաքննության և օպերատիվ հետախուզության վարչության պետ Վահան Չարխիֆալակյանը նշեց, որ այս ընթացքում քաղաքացիները տանն էին, իրենց կարիքների համար շատերը պատվերներ էին  կազմակերպում առցանց: Առցանց գնումների շուկայում ծավալների ավելացմանը զուգահեռ նաև մեծանում էին ռիսկերը:

ՊԵԿ համապատասխան ստորաբաժանման աշխատակիցները քողարկված իրականացրել են տարաբնույթ ապրանքների գնումներ, առանձին դեպքերում արձանագրվել են առցանց գնված ապրանքների մատակարաման հետ կապված խախտումներ:

«Մեր ուշադրության կենտրնում են սոցիական ցանցերում առևտուր իրականացնողները, որոնք պետական գրանցում չունեն: Այս ուղղությամբ լուրջ աշխատանքներ ենք կատարել:  Իրականացրել ենք հսկիչ գնումներ, օրինակ, «Ինստագրամ»-ում առևտրով զբաղվողից, և պարզվել է, որ վերջինս պետական գրանցում չունի:

Ես հորդորում եմ բոլոր նրանց, ովքեր զբաղվում են օնլայն առևտրով, անպայման ունենալ պետական գրանցում և գործել օրինական դաշտում: Հիշեք, մի օր կարող է ձեր վաճառված ապրանքի գնորդը լինել օպերատիվ հետախուզության աշխատակիցը»,- հավելեց Վահան Չարխիֆալակյանը: