Օգոստոսի 31-ին, ժամը 10:31-ին Մարզային ճգնաժամային կառավարման կենտրոն ահազանգ է ստացվել, որ Տափերական գյուղի Կոմիտասի փողոցի տներից մեկի բակում խոշոր եղջերավոր կենդանին (ցուլ) ընկել է մոտ չորս մետր խորությամբ հորը․ դուրս բերելու համար անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ Արարատի մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարարները խոշոր եղջերավոր կենդանուն դուրս են բերել հորից: Այս մասին տեղեկացնում է ԱԻՆ-ը։
