Ռուսաստանի առաջնության պրիմիեր լիգայի 16-րդ տուրի կենտրանական խաղում հանդիպեցին առաջատար Սանկտ-Պետերբուրգի Զենիթը և Մոսկվայի Սպարտակը, որի կազմում առաջին րոպեներից խաղադաշտ էին դուրս եկել երկու հայազգի ֆուտբոլիստներ` Յուրա Մովսիսյանը և Արազ Օզբիլիսը:
Խաղի սկզբնամասում զգալի առավելություն ուներ Զենիթը, որն առաջինը հասավ հաջողության, իսկ հետո ստացավ նաև 11 մետրանոց հարվածի իրավունքը, որը չիրացրեց բրազիլացի Հալկը:
Ընդ որում սա Հալկի երրորդ անընդմեջ չիրացրած 11 մետրանոց հարվածն էր:
Այնուհետև արդեն Յուրա Մովսիսյանի բենեֆիսն էր, որը 15 րոպեի ընթացքում հեթ-տրիկ ձևակերպեց՝ զուգահեռ դառնալով առաջնության ռմբարկումների առաջատարը: Մեր հավաքականի մյուս ֆուտբոլիստը՝ Արազ Օզբիլիսը ևս շատ ակտիվ էր և խաղաց առանց փոխարինման:
3-1 հաշվից հետո թիմերը ևս մեկական գոլերով փոխանակվեցին ձևակերպելով վերջնական հաշիվը՝ 4-2:
© Medialab.am