Նոր Նորքի բնակիչներն իրենց նախաձեռնությամբ մաքրել են բակում կուտակված անճոռնի շինություններն ու այնուհետեւ համայնքի աջակցությամբ բակը բարելարգվել ու կանաչապատվել է․ Քաղաքապետ

Հեղինակ MediaLab

Երևանի քաղաքապետ Հայկ Մարությանը իր ֆեյսբուքյան էջում ներկայացրել է երևանյան բակի մի պատմություն ու ընդգծել, որ դրանով ոգևորված է․

Ինչպիսի տեսք ունեն մեր բակերի մեծամասնությունը եւ ինչպիսին կարող են լինել, եթե մենք ուզենք։ Առաջին երկու լուսանկարներում նույն բակն է՝ մի քանի ամսվա տարբերությամբ։ Նոր Նորքի 4-րդ զանգվածի Բակունցի 12 հասցեի բնակիչներն իրենց նախաձեռնությամբ մաքրել են բակում կուտակված անճոռնի շինություններն ու այնուհետեւ համայնքի աջակցությամբ բակը բարելարգվել ու կանաչապատվել է։ Սա իսկապես օրինակելի դեպք է։

Բնակիչների ու քաղաքային իշխանության կառույցների համատեղ ջանքերի շնորհիվ է, որ կարող ենք արագ արդյունքներ ունենալ։ Շատ ոգեւորված ենք բոլորս՝ բնակիչները, վարչական շրջանի ու քաղաքի ղեկավարությունը։ Շնորհակալ եմ բոլոր ներգրավված մարդկանց։ Հուսով եմ, օրինակը վարակիչ կլինի բոլոր մյուս թաղերի ու բակերի համար։

Ինչպիսի տեսք ունեն մեր բակերի մեծամասնությունը եւ ինչպիսին կարող են լինել, եթե մենք ուզենք։ Առաջին երկու…

Posted by Hayk Marutyan on Thursday, September 24, 2020