Կտուգանվե՞ն արդյոք գործատուները, ովքեր պարտադիր վճարումներ չեն անում կենսաթոշակային հիմնադրամին

Կտուգանվե՞ն արդյոք գործատուները, ովքեր պարտադիր վճարումներ չեն անում կենսաթոշակային հիմնադրամին
Կտուգանվե՞ն արդյոք գործատուները, ովքեր պարտադիր վճարումներ չեն անում կենսաթոշակային հիմնադրամին

Եթե Սահմանադրական դատարանի կողմից կասեցվել է կենսաթոշակային կուտակային վճարներ չկատարելու դեպքում պատասխանատվության ենթարկելու հոդվածը, ի՞նչ իրավունքով է կառավարությունը գործատուներին պարտադրում աշխատողների աշխատավարձերից պարտադիր վճարներ կատարել: Այս հարցը խորհրդարանում աշխատանքի և սոցիալական հարցերի նախարար Արտեմ Ասատրյանին տվեց ՀԱԿ խմբակցության պատգամավոր Նիկոլ Փաշինյանը:

Նա նշեց, որ մամուլի հրապարակումների համաձայն, հարկային մարմիններն արդեն ասել են, որ պարտադիր կենսաթոշակային վճարներ չկատարած գործատուները տուգանվում են այլ օրենքներով:

«Օրենքի դրույթների կատարումը չպետք է պայմանավորված լինի դրանց չկատարման համար համապատասխան սանկցիաներ կիրառելու հանգամանքով: Հիմա պարտադիր կուտակային վճարումները կատարվում են, և համակարգին կամավոր միացած քաղաքացիներն էլ ըստ էության այս ժամանակահատվածում իրավունք ունեն կատարելու վճարումներ կենսաթոշակային ֆոնդերին»,- ասաց Արտեմ Ասատրյանը:

Նիկոլ Փաշինյանը նախարարին խնդրեց ուղիղ պատասխանել հետևյալ հարցին՝ մարդը կարո՞ղ է չկատարել պարտադիր վճարումներ, և եթե գործատուն հաշվետվությունները ներկայացնի առանց պարտադիր վճարների կատարման, այլ օրենքով կտուգանվի՞, թե ոչ:

«Իմ պատասխանը շատ հստակ էր: Գործատուներն ունեն օրենքով սահմանված պարտավորություն՝ կատարելու պարտադիր վճարներ այն անձանց համար, ովքեր պարտադիր կուտակային համակարգի մասնակից են: Երկրորդ, այն անձինք, ովքեր կամավոր միանում են պարտադիր կուտակային համակարգին, պարտավոր են կատարել պարտադիր կուտակային վճարներ: Եթե օրենքով սահմանված պատասխանատվության միջոցը կասեցված է, դա չի նշանակում, որ պարտաճանաչ գործատուները, որոնք կատարում են իրենց օրենսդրական պարտավորությունները, պետք է դա պայմանավորեն սանկցիաներ լինելով կամ չլինելով: Սա կարծում եմ՝ շատ հստակ պատասխան է»,- ասաց աշխատանքի և սոցիալական հարցերի նախարարը: Կարդալ ավելին