«Դեմ եմ» նախաձեռնությունն այսօրվա բողոքի ակցիայի ընթացքում ոստիկանների եւ մասնակիցների միջեւ տեղի ունեցած միջադեպի հետեւանքով առնվազն 5 մարդ բերման է ենթարկվել: ՀՀ Ֆինանսների նախարարության շենքի մոտ բողոքի ձայն բարձրացնելուց հետո եւ շենքի մուտքի մոտ մետաղադրամներ նետելուց հետո, մասնակիցները շարժվեցին ոստիկանության Կենտրոնի վարչություն՝ սատարելու բերման ենթարկվածներին: Ֆինանսների նախարարության շենքի մոտ մետաղադրամներ նետելով, ակցիայի մասնակիցները հայտարարեցին, […]
«Դեմ եմ» նախաձեռնությունն այսօրվա բողոքի ակցիայի ընթացքում ոստիկանների եւ մասնակիցների միջեւ տեղի ունեցած միջադեպի հետեւանքով առնվազն 5 մարդ բերման է ենթարկվել:
ՀՀ Ֆինանսների նախարարության շենքի մոտ բողոքի ձայն բարձրացնելուց հետո եւ շենքի մուտքի մոտ մետաղադրամներ նետելուց հետո, մասնակիցները շարժվեցին ոստիկանության Կենտրոնի վարչություն՝ սատարելու բերման ենթարկվածներին:
Ֆինանսների նախարարության շենքի մոտ մետաղադրամներ նետելով, ակցիայի մասնակիցները հայտարարեցին, որ նախարարը զբաղվում է դրամահավաքությամբ:
Նրանք պահանջում էին, որպեսզի նախարար Դավիթ Սարգսյանն իջնի և պարզաբանի, թե Սահմանադրական դատարանի որոշումից հետո ի՞նչ իրավունքով է կենսաթոշակային պարտադիր վճարների մասին հայտարարությամբ հանդես եկել:
Նախարարը այդպես էլ չմոտեցավ ցուցարարներին, իսկ նախարարության աշխատակազմի ղեկավարը իջավ և փոխանցեց, որ Դավիթ Սարգսյանը պատրաստակամություն է հայտնել ընդունել «Դեմ եմ» նախաձեռնության 10-15 հոգանոց պատվիրակությանը:
Բնականաբար, նախաձեռնության անդամները չհամաձայնեցին այս պահանջին: Նրանք հայտարարեցին, որ պայքարը շարունակվում է:
Ի դեպ, այսօրվա ակցիայի ժամանակ տարեց մի տղամարդ ինքնահրկիզման փորձ արեց: Խոսելով սոցիալ-տնտեսական խնդիրների մասին՝ տղամարդը գրպանից անսպասելի հանեց բենզինով լի շիշն ու պարունակությունը լցրեց իր վրա: Բարեբախտաբար ոստիկանները կանխեցին ինքնահրկիզման փորձը:
Տեղեկացնենք, որ այս տարի հունվարի 1-ից ուժի մեջ մտած պարտադիր կուտակային կենսաթոշակային համակարգով, 1974 թվականի հունվարի 1-ից հետո բոլոր ծնվածները պարտավոր են աշխատավարձի 5-10%-ը փոխանցել կուտակային ֆոնդերին, որը տարիներ անց կվճարվի որպես կենսաթոշակ:
Սակայն, ներդրված նոր համակարգը բուռն դժգոհություն է առաջացրել հասարակության տարբեր շերտերի, ոչ իշխանական քաղաքական ուժերի մոտ:
Տես լուսանկարները
© Medialab.am