ՀՀ ՊՆ ներկայացուցիչ Արծրուն Հովհաննիսյանը Ֆեյսբուքի էջում գրել է․ «Մարդա մեկին ասեք, որ Հայոց բանակին, ժողովրդին զինողը հայ ժողովուրդն է»՝ ի պատասխան Իլհամ Ալիեւի ուղերձում հնչեցված հարցին, թե «Որտեղի՞ց Հայաստանին այդքան զենք»։
«Հարց է առաջանում. որտեղի՞ց Հայաստանին այդքան զենք, այդքան տեխնիկա: Հայտնի է Հայաստանի ռազմական բյուջեն, պետբյուջեն: Ի՞նչ միջոցներով են գնում այն զենքն ու տեխնիկան: Հարց է առաջանում. ո՞վ է նրանց զինում: Երբեմն մեզ ներկայացնում են մեղադրանքներ, թե մենք զինվում ենք, եւ դա կարող է սրել իրավիճակը, տանել այն անընդունելի ուղղությամբ: Իսկ ե՞րբ Հայաստանն է զինվում: Որտեղի՞ց նրան այդքան զենք եւ տեխնիկա»,- ասել է Ադրբեջանի նախագահ Իլհամ Ալիեւը:
