«Հասարակություն Առանց Բռնության» ՀԿ-ն «Հայ և թուրք երիտասարդ կանայք հանուն հարատև խաղաղության վերականգնման արվեստի և երկխոսության միջոցով» ծրագրի շրջանակներում իրականացնում է ցուցահանդես «Կանայք հանուն հակամարտությունների լուծման և խաղաղության» խորագրով:
Ծրագրի նպատակն է լուսաբանել հայ և թուրք կանանց դերը որպես խաղաղություն կառուցողներ, ինչպես նաև արվեստի ու երկխոսության միջոցով ամրապնդել երկու հասարակությունների միջև վստահությունն ու համագործակցությունը:
Միջոցառմանը կցուցադրվեն հայ և թուրք կանանց կողմից ներկայացված լուսանկարներ/նկարներ, որոնք արտահայտում են հակամարտությունների լուծման և խաղաղության հաստատման գործընթացում կանանց դերի վերաբերյալ մասնակիցների մեկնաբանությունը կտավի կամ լուսանկարչական ապարատի միջոցով:
Տասնօրյա ցուցահանդեսի ընթացքում այցելուների քվեարկությամբ կընտրվեն 2 լավագույն նկարները: Երեք մասնագետներից բաղկացած հանձնաժողովը ևս կգնահատի ցուցահանդեսում ներկայացված աշխատանքները՝ նախօրոք մանրակրկիտ ուսումնասիրելով դրանք: Վերջնական որոշումը կընդունվի երկու գնահատումների համադրման արդյունքում: Լավագույն աշխատանքների հեղինակները կստանան խրախուսիչ մրցանակներ:
Ցուցահանդեսի բացման արարողությունը տեղի կունենա սույն թվականի մայիսի 16-ին, 19:00-ին Երևանի <<Ներկայ>> արվեստների կառավարման և ստեղծարարության կենտրոնում՝ Պուշկին 10/6 հասցեում:
Հորդորում ենք զանգվածային լրատվական միջոցներին՝ ներկա գտնվել այս կարևոր միջոցառման լուսաբանմանը, ինչպես նաև հանրությանը տարածել միջոցառման մասին տեղեկատվությունը:
Առավել մանրամասն տեղեկատվության համար կարող եք զանգահարել 093 579087 հեռախոսահամարով:
Այս մասին տեղեկացնում է «Հասարակություն Առանց Բռնության» ՀԿ-ի մամլո հաղորդագրությունը:
© Medialab.am
