Հոկտեմբերի 2-ից կմեկնարկի Հայաստանի Ամերիկյանի համալսարանի շարունակական կրթության ամբիոնի ծրագրերի շրջանակներում կազմակերպվող «Իսպաներեն սկսնակների համար» դասընթացը:
Եթե երբևէ ցանկացել եք սովորել իսպաներեն պարզ և հաճելի եղանակով և հետաքրքրված եք իսպանալեզու երկրների մշակույթով, ապա այս դասընթացը ձեզ համար է:
Դասընթացը նախատեսված է սկսնակ ուսանողների համար և իսպաներենի նախնական որևէ գիտելիք չի պահանջվում:
Դասերը կազմակերպվելու են շաբաթական երկու անգամ` երեքշաբթի եւ հինգշաբթի օրերին երեկոյան ժամերին` 18:30-20:00-ին: 40 ժամյա նախատեսված դասընթացի վարձավճարը 50 հազար դրամ է: Գրանցվել կարելի է մինչև 2014թ. սեպտեմբերի 30-ը:
Դասերն անց են կացվելու բացառապես իսպաներեն, ինչը նպաստում է ուսուցման արդյունավետությանը: Լայնորեն օգտագործվելու են համացանցը, ինչպես նաև աուդիո և վիդեո նյութեր, որոնք ավելի մատչելի կդարձնեն լեզվի ընկալումը և կնպաստեն ծանոթանալու իսպանալեզու երկրների մշակույթին:
Դասընթացը միտված է զարգացնելու լեզվաընկալումը և զրույց վարելու կարողությունները:
Դասերը վարելու է իսպաներենի փորձառու մասնագետ Ալիս Տեր-Ղեվոնդյանը:
Հավելյալ տեղեկությունների համար զանգահարել՝ 060 61 27 06 կամ գրել՝ [email protected] :
