Ֆրանսիայի Ազգային ժողովի պատգամավոր Վալերի Բուայեն գրառում է կատարել՝ նշելով, որ հայերի Սուրբ Ծննդյան օրը հիշում է արցախցիներին, որոնք նոր ցեղասպանության զոհ դարձան: «Արմենպրես»-ի փոխանցմամբ՝ այս մասին գրառումը Բուայեն կատարել է «Ֆեյսբուք»-ի իր էջում:
«Հայոց այս Սուրբ Ծննդյան օրը հիշում եմ արցախահայերին՝ նոր ցեղասպանության զոհերին։ Մտածում եմ Տեր Հովհաննես քահանա Հովհաննիսյանի ու Դադիվանքի մասին: Մտածում եմ այդ ժառանգության մասին: Մտածում եմ քրիստոնյաների սպանությունների մասին: Եկեք չմոռանանք, հանդիմանենք և պայքարենք»,- գրել է Բուայեն:
Հայ Առաքելական եկեղեցին հունվարի 6-ին նշում է Աստվածահայտնության և Սուրբ ծննդյան տոնը: Սուրբ Ծննդին նախորդող օրը՝ հունվարի 5-ին ՀԱԷ բոլոր եկեղեցիներում տոնական պատարագ է մատուցվել՝ ի նշան Սուրբ ծննդյան հայտնության: Մարդիկ եկեղեցիներից վառված մոմեր են տանում եւ նշում են Սուրբ Ծնունդը:
