Դսեղ գյուղում մահվան ելքով վրաերթ կատարած վարորդը հայտնաբերվել է

Հեղինակ MediaLab

Ոստիկանության Թումանյանի բաժնի ծառայողները, վրաերթ կատարելու կասկածանքով, դեկտեմբերի 7-ին Դսեղ գյուղի իր տնից, իր կողմից շահագործվող «ԳԱԶ-24» մակնիշի ավտոմեքենայով հանդերձ, բաժին բերման են ենթարկել 35-ամյա տղամարդու: Նա խոստովանել է, որ դեկտեմբերի 4-ին, ժամը 15.30-ի սահմաններում, իր ավտոմեքենայով Դսեղ գյուղի 5-րդ փողոցում վրաերթի է ենթարկել Ա. Թումանյանին, ինչի հետևանքով նա մահացել է, իսկ ինքը վախենալով՝ դեպքի վայրից դիմել է փախուստի:

Ավտոմեքենան տեղափոխվել է բաժնի հատուկ պահպանվող տարածք:
35-ամյա տղամարդը ներկայացվել է նախաքննական մարմնին:

Դեկտեմբերի 4-ին, ժամը 16.35-ին սահմաններում, Լոռու մարզի Դսեղ գյուղում անհայտ մակնիշի ավտոմեքենայի վարորդը վրաերթի էր ենթարկել 43-ամյա Անահիտ Թումանյանին , որը տեղում մահացել էր:

Այս մասին տեղեկացնում է ոստիկանությունը։