Ավինյանը «Ռենկո»-ի ղեկավարության հետ քննարկել է Երևանում էլեկտրակայանի կառուցման աշխատանքների ընթացքը

ՀՀ փոխվարչապետ Տիգրան Ավինյանն այսօր ընդունել է «Ռենկո» ընկերության գլխավոր գործադիր տնօրեն Ջովաննի Ռուբինիին:

Ավինյանն իր ֆեյսբուքյան էջում տեղեկացնում է, որ քննարկել են Երևան քաղաքում 250 մեգավատտ հզորությամբ էլեկտրակայանի կառուցման ուղղությամբ տարվող աշխատանքների ընթացքը, ինչպես նաև նոր ներդրումների, իտալացի գործարարների մեծ խմբի՝ Հայաստան այցի մասով հնարավորություններն ու հեռանկարները: