Միջանկյալ օղակի միջոցով կենդանուց մարդուն փոխանցումը կորոնավիրուսի առաջացման առավել հավանական վարկածն Է, նշել Է Ուհանում Առողջապահության համաշխարհային կազմակերպության (ԱՀԿ) պատվիրակության ղեկավարը, տեղեկացնում Է «Արմենպրես»-ը:
Լաբորատոր միջադեպի հետեւանքով համավարակ հարուցած կորոնավիրուսի հայտնվելու մասին վարկածը «չափազանց քիչ հավանական Է»: Այդ մասին փետրվարի 9-ին Ուհանում Առողջապահության համաշխարհային կազմակերպության պատվիրակության աշխատանքի արդյունքներին նվիրված հատուկ ճեպազրույցում հայտարարել Է այդ խմբի ղեկավար, կենդանախտային (կենդանիներից մարդուն փոխանցվող) վարակների եւ պարենային անվտանգության գծով ԱՀԿ-ի փորձագետ Պիտեր Բեն Էմբարեկը:
«Մեր հետազոտությունների արդյունքները նշում են, որ լաբորատոր միջադեպի վարկածը չափազանց քիչ հավանական Է՝ մարդկանց շրջանում վիրուսի հայտվելը բացատրելու համար: Այսպիսով, այդ վարկածը չի օգտագործվի այն բանի վերաբերյալ մեր հետագա աշխատանքում, թե որտեղից Է առաջացել (այդ) վիրուսը»,- ասել Է նա, հաղորդել Է ՏԱՍՍ-ը:
